Apphönnun og appþróun
Við hjálpum fyrirtækjum að móta, hanna og þróa öpp og stafrænar vörur. Við byrjum á því að skilja hvað fólk þarf að geta gert og vinnum með ykkur að lausninni, frá fyrstu hugmynd þar til varan er komin í notkun.
Hvað getur verkefnið falið í sér?
- Mótun hugmyndar og afmörkun verkefnis
- Notendaupplifun og UX/UI-hönnun
- Smellanlegar frumgerðir og notendaprófanir
- Hönnunarkerfi
- Appþróun og tengingar við önnur kerfi
- Undirbúningur útgáfu og áframþróun
Frá hugmynd að fyrstu útgáfu
Góð hugmynd þarf skýra afmörkun. Við skilgreinum hverjir munu nota vöruna, hvaða vanda hún leysir og hvað þarf að vera tilbúið í fyrstu útgáfu. Frumgerð gerir ykkur kleift að prófa helstu aðgerðir áður en farið er í fulla þróun. Þannig er hægt að taka ákvarðanir út frá raunverulegri notkun.
Endurbætur á appi sem er þegar í notkun
Stundum er varan komin af stað en orðin erfið í notkun eða ósamræmd. Við förum yfir mikilvægustu aðgerðirnar, finnum hvar fólk festist og hönnum endurbætur. Það getur verið skráning nýrra notenda, bókun, kaup eða dagleg notkun. Við metum hvað má nýta áfram og hvað þarf að endurhanna.
Hönnun og þróun í sama ferli
Útlit, virkni og tæknilegar ákvarðanir þurfa að vinna saman. Við tengjum vörumerkið við upplifunina, prófum hegðun vörunnar og vinnum að útfærslunni. Verkefnið getur verið nýtt app, vefapp, viðskiptavinasvæði eða stafræn þjónusta sem kemur í stað handvirkra samskipta.
Tengd verkefni
Algengar spurningar
Þurfum við að vera með tilbúna verklýsingu?
Nei. Hugmynd, lýsing á vandanum eða vara sem þið viljið bæta er góður upphafspunktur. Við getum hjálpað ykkur að skilgreina verkefnið og ákveða hvað á að koma fyrst.
Getið þið unnið með okkar eigin þróunarteymi?
Já. Við getum tekið að okkur notendaupplifun, hönnun og frumgerðir og unnið með þróunarteyminu ykkar að útfærslu. Einnig er hægt að semja um hönnun og þróun sem eitt verkefni.
Hvað kostar að hanna og þróa app?
Verðið fer eftir umfangi, helstu aðgerðum, tengingum við önnur kerfi og því hvort verið er að byggja nýja vöru eða bæta þá sem er til. Við förum yfir þessar forsendur áður en við leggjum fram tillögu að umfangi, tíma og verði.
Önnur þjónusta
Samstarf yfir landamæri
Studioek er í Reykjavík og tekur að sér verkefni fyrir fyrirtæki á Íslandi og erlendis. Við bjóðum teymum í San Francisco og New York samstarf um hönnun og þróun með skýru umfangi, reglulegu samráði og sameiginlegri yfirferð.
Svona getur samstarfið gengið fyrir sig
Ræða verkefni